Enkle chiabatta med surdeig

Desse er perfekte å steike ein helgemorgon og nyte nystekte til frokost! Eller til sandwich, suppe eller når som helst!

800 gram kaldt vatn
200 gram bakeklar surdeigsstartar
1000 gram sikta kveitemjøl
25 gram kverna havsalt

Slik gjer du;
1. Bland vatn, surdeigsstartar og sikta kveitemjøl. Vent i 30 minutt. Deigen skal stå på benken til du er ferdig med strekk og brett.
2. Klem salt inn i deigen, vent i 30 minutt.
3. Strekk og brett deigen kvar 30. minutt x 8.
4. Sett deigen kaldt og la den stå der i 12-48 timar, alt etter kva som passar deg!
5. Varm opp omnen til 250 grader med over- og undervarme, ha gjerne i bakestål før du varmar opp omnen.
6. Ta fram deigen, strø mjøl på benken og kvelv deigen over benken. Kutt deigen i ønska størrelse og legg chiabattastykka på eit bakepapir før du har dei i omnen og steiker i 10-15 minutt. 

Avkjøl på rist før du skjer dei opp og nyt dei med godt smør og pålegg! Dei kan godt frysast.