Sjokoladecookies med surdeig

Desse sjokoladekjeksa fekk bein og gå på her i huset! Så eg må nok snart lage ein ny porsjon.

Oppskrifta er til 12 store eller 25 små cookies

250 gram smør, romtemperert
250 gram brunt sukker
150 gram kvitt sukker
1 egg
100 gram overskuddsstartar
1 ts vaniljeekstrakt
1 ts natron
1 ts bakepulver
Ei klype flaksalt
450 gram sikta kveite
200 gram hakka sjokolade eller bakesjokolade

1. Pisk smør og sukker luftig
2. ha i egg og surdeigsstartar, samt vaniljeekstrakt
3. Ha i det tørre, men vend inn litt og litt
4. Vend til slutt inn sjokoladen
5. Lag små kular og legg dei på eit brett, ha brettet i kjøleskapet i ein time. Kan godt ha dei kalde i ein pose og fryse dei. 

Steik på 175 grader i 10-12 minutt, om du lagar store ha seks stk på kvart brett. Med litt mindre kuler får du plass til ni stk på eit brett. Når du tek ut brettet frå omnen, la dei avkjøle på brettet og legg dei så over på ei rist.

Oppbevarast i tett kakeboks.