Surdeigsbollar

Denne bolleoppskrifta har vore med meg i fleire år, og det er fortsatt den eg tyr til når det skal bakast rosinbollar, kanelsnurrar eller skulebollar her i huset. Oppskrifta gir ca 24 bollar.

1 liter kald heilmelk (ca 1050 gram)
100 gram bakeklar surdeigsstartar
1 egg 
3 ts knuste kardemommekjerner
100 gram sukker
1400 gram sikta kveitemjøl
200 gram romtemperert smør i terningar

Anbefalar å bruke kjøkkenmaskin til denne oppskrifta, for bollane blir best om du får elta ei god stund. 

Ha melk, surdeigsstartar, sammenvispa egg og sukker i ein bakebolle. Bland dette saman før du har i kveitemjøl og eltar til deigen er smidig (minimum 10 minutt). Tilsett så smøret og elt dette godt inn i deigen. La deigen heve i romtemperatur i 8-12 timar før utbaking og etterhev i 1-2 timar før du steiker bollane på 225 grader over- og undervarme i 10-12 minutt (eller lengre alt etter kor store dei er). Avkjøl på rist. 

God fastelavn!