Surdeigsfoccacia

Foccacia passar til ALT! Til sandwich, til salat og suppe. Det er ein stor favoritt her i hus, og vi har det ofte til suppeonsdag (ja, vi har suppe kvar onsdag for å gjere det enklare for den som lagar middag - les meg!)

Foccacia

400 gram vatn
500 gram sikta kveite eller 250 gram sikta kveite og 250 gram tipo 00
Rør vatn og mjøl saman, la deigen kvile (autolyse) i 30 minutt. 

Tilsett 100 gram bakeklar surdeigsstartar og brett det inn i deigen. Vent 30 minutt.
Tilsett 10 gram havsalt og brett det inn i deigen.

Strekk og brett kvar halvtime, 4-6 gangar.

Valgfritt: Laminering med smør. Ha deigen utover benken og strekk den ut så langt du klarer i ein stor firkant. Smør heile deigen med mjukt smør, før du brettar deigen saman og legg den i ei ildfast form eller hevekasse. 

Coil fold x 2 med ein halvtime i mellom.

Ha deigen i forma du skal steike den i, og sett deigen kaldt for etterheving i 24-48 timar.

Før steiking: Skru omnen på 225 grader, over- og undervarme.

Ha god olivenolje over deigen, før du trykkar den ned med fingertuppane og har på krydder og flaksalt før steiking. Steik i 30-45 minutt. 

Avkjøl på rist og nyt!