Surdeigstortillas

Eg har lenge laga eigne tortillas til tacoen, men det er ikkje alltid niåringen min er så imponert over dei. Om eg lagar maistortillas av masa harina (eg har til og med kjøpt meg tortillapresse) er dei for små og når eg laga kveitetortillas har dei vore for små, vanskelig å brette eller rett og slett for stiv! Men denne oppskrifta må eg seie er skikkelig god - og godkjent av niåringen med ekstremt sterke tortillaspreferanser!

Her treng du ikkje bakeklar startar, det er berre å bruke overskuddsstartar direkte frå kjøleskapet. Du kan godt lage deigen dagen før og syrne den på kjøl, men vær obs på at den blir enklare å kjevle når den er romtemperert. Derfor anbefalar eg å dele opp deigen i passande tortillaemne før syrning og legge den på eit fat eller brett med plastikk over før du sett den på kjøl, då blir det enklare å temperere deigen raskt.

Oppskrift på surdeigstortillas (ca 24 stk):

150 gram smelta smør (kan også bruke talg eller anna feitt)
200 gram overskuddsstartar
300 gram vatn
2 ts bakepulver
8 gram salt
750 gram sikta kveitemjøl

Bland vatn og overskuddsstartar før du har i smelta smør og dei tørre ingrediensane. Du kan godt bruke kjøkkenmaskin for å elte deigen. Del opp i emne på ca 65 gram per tortilla, og legg dei på eit fat eller brett før du dekker til med plast. Prøv deg fram om du treng mjøl på benken under utbaking, og kjevle ut tortillas før du steiker dei på varm og tørr steikepanne eller takke. Bruk høg temperatur og steik dei kort tid på begge sider for å unngå at dei blir tørre. Legg dei så på eit klede og pakk inn i plast for å halde på fuktigheita. Du kan også bruke ei ildfast form med lokk; legg eit klede i forma og pakk inn lefsene etterkvart som dei er ferdig stekt. Husk å ha på lokket mellom kvar.

Om du er ny innen surdeigsbaking og vil lære meir, sjekk ut surdeigskursa mine her.