Sveler med surdeig

Mange som bakar med surdeig har ofte surdeigsstartar til overs (overskuddsstartar) som ofte ender opp med å stå bakerst i kjøleskapet og ta opp plass. Sidan eg ikkje likar å kaste mat er eg alltid på leit etter oppskrifter der eg kan bruke opp overskuddsstartar! Og det har blitt mange oppskrifter med overskudsstartar i løpet av dei snart 15 åra eg har baka med surdeig. Nokon meir og nokon mindre vellykka. Ei av oppskriftene som er mest i bruk her i hus, er sveler med overskuddsstartar!

Mjuke og digge sveler med surdeig

300 gram overskuddsstartar
5 dl kefir eller surmelk (500 gram)
4 egg
100 gram sukker 
300 gram kveitemjøl
150 gram smelta smør
1 ts natron

Start med å smelte og avkjøle smøret. Ha overskuddsstartar, kefir, egg og sukker i ein bolle, rør godt saman før du tilsett litt og litt mjøl mens du rører til ei jamn røre. Ha så i smelta smør og natron (rør gjerne natron ut i 1 ss vatn) til slutt, bland alt godt saman og la det svelle minst i 20 minutt i romtemperatur. 

Du kan også la røra syrne i 12 timar for å gjere den meir magevennleg. Eg vil då anbefale å vente med å ha i egg, smør og natron til rett før du skal steike svelene. 

Steik på varm og smurt takke eller steikepanne. Server med syltetøy, brunost eller smørkrem - eller lønnesirup!